InicioVigo e contornaO PorriñoO centro AIMEN, do Porriño, participa nunha investigación científica internacional con microrobots

O centro AIMEN, do Porriño, participa nunha investigación científica internacional con microrobots

O obxectivo é construír máquinas de tamaño microscópico que poidan navigar polos fluídos humanos.

PUBLICADO O

Investigadores do centro tecnolóxico AIMEN participaron no desenvolvemento da primeira aplicación de intelixencia artificial para o control de microrobots que navegan a través dun fluído, un traballo que se publicou na revista Science Robotics.

A investigación demostra como un robot do tamaño dunha micra (aproximadamente unha centésima do diámetro dun cabelo humano) é capaz de desenvolver, mediante técnicas de aprendizaxe por reforzo, as estratexias óptimas de navegación para alcanzar un obxectivo, compartir información con outros robots para acelerar o proceso de aprendizaxe ou desenvolver a velocidade óptima para a supervivencia nunha contorna, de forma similar a como o fan os microorganismos na natureza.

Os principais desafíos deste traballo eran o deseño do robot e do mecanismo de propulsión, así como a capacidade do sistema de control para adaptarse a un medio con tanta incerteza como un fluído para un obxecto microscópico.

Esta primeira demostración experimental desenvolveuse en colaboración coa Universidade de Leipzig e a Universidade de Charles de Praga, dentro dun dos programas prioritarios de financiamento para a investigación científica do goberno alemán (DFG).

O estudo abre a porta a multitude de investigacións futuras tanto no deseño de micro e nanorobots, como no desenvolvemento de técnicas específicas de intelixencia artificial para o seu control e comportamento autónomo a escala micrométrica, que poderán ter gran impacto a escala macroscópica.

O control de obxectos microscópicos mediante o uso de intelixencia artificial podería empregarse no desenvolvemento de materiais intelixentes con potenciais aplicacións en distintos ámbitos industriais, como o enerxético, o biotecnológico ou, mesmo, na construción.

A aplicación permitiría controlar as propiedades dun material, a inxección de fármacos de forma precisa ou o desenvolvemento de ferramentas autónomas para microcirugía de precisión.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...