InicioVigo e contornaMosUn documental para lembrar a loita do Tameiga contra a cidade deportiva...

Un documental para lembrar a loita do Tameiga contra a cidade deportiva do Celta

A Comunidade de Montes conseguiu botar abaixo o proxecto por múltiples irregularidades logo de catro anos de loita.

PUBLICADO O

A área de Vigo é coñecida en Galicia polas súas múltiples historias de mobilización veciñal. O episodio de máis sona dos últimos anos podería vir da Comunidade de Montes do Tameiga, que poucos meses atrás pechou un auténtico combate de David contra Goliat ao lograr botar abaixo o proxecto da nova cidade deportiva do Celta, Afouteza.

A loita dos comuneiros do Tameiga, tratada ao longo do tempo por este xornal, queda agora retratada para a posteridade da longametraxe Tameiga, 4 anos de resistencia veciñal, que vén de elaborar a plataforma Ecoloxistas en Acción e que será presentado o vindeiro sábado 16 no auditorio do centro social As Pedriñas.

O documental, producido por Ecoloxistas en Acción e realizado por Urco Produccións, narra os catro anos da loita dos comuneiros de Tameiga para “defender” o seu monte, como apuntan dende a asociación ecoloxista. A historia abrangue desde finais de decembro do anos 2017 cando Nidia Arévalo, alcaldesa de Mos, anunciaba o proxecto de cidade deportiva e “macro centro comercial” como “un feito consumado” ata a actualidade, na que a Xustiza declarou ilegal a cidade deportiva e diferentes organismos públicos informaron desfavorablemente sobre os plans para construir as instalacións nos montes comunais de Tameiga.

A narración do largometraxe, subliñan dende a plataforma, aborda a historia de xeito cronolóxico e vai construindo o relato do sucedido mediante entrevistas aos membros das directivas das asociacións que forman a Plataforma A auga é vida, as forzas políticas que denunciaron o “pelotazo urbanístico” e a integrantes da propia Ecoloxistas en Acción vinculados coa loita da veciñanza comuneira por preservar o monte. No documental rescátanse antigas imaxes das mobilizacións que resultan mesturadas coas entrevistas.

“Coa realización desta testemuña audiovisual, Ecoloxistas en Acción pretende destacar a exemplar loita pola defensa do ben común da veciñanza de Tameiga para que a súa afouteza e tesón sexan inspiradoras para a veciñanza doutros lugares onde o ben común está ameazado pola cobiza duns poucos”.

O vindeiro sábado realizaranse dous pases, ás 18 proxección exclusivamente para a veciñanza comuneira e ás 20h para persoas e colectivos convidados. Ao remate de cada proxección terá lugar unha pequena charla para recoller as impresións dos asistentes.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...