InicioMedio Ambiente e PatrimonioO Concello de Mos, a pola máxima limpeza en 6 meses

O Concello de Mos, a pola máxima limpeza en 6 meses

PUBLICADO O

O Concello de Mos adxudicou o pasado mércores 9 de maio o servizo de desbroce e limpeza de cunetas das vías municipais, e con esta última contratacion bota a andar un servizo que formará parte do plan Mos Limpo, tal e como informaron a alcaldesa mosense, Nidia Arévalo, e o concelleiro de Medio Ambiente, Limpeza Viaria e Parques e Xardíns, Cándido Pérez.

Neste plan de actuación a catro bandas, traballarán coordinadamente a brigada municipal de parques e xardíns que chegará a contar con 15 membros xunto con 3 empresas, a de mantemento de parques e xardíns, a concesionaria do servizo de recollida de lixo e limpeza de viais urbanos e por último a empresa responsable do desbroce e limpeza de cunetas.

Este plan integral permanecerá a pleno rendemento ata outono, sobre o mes de outubro aproximadamente, para acadar o obxectivo de manter os lugares públicos en estado de máxima limpeza.

Este cronograma de actuación ven marcado polas condicións climatolóxicas destes meses, que favorecen o maior crecemento da vexetación, así coma a celebración de máis actividades ao aire libre nas que se xeneran unha maior cantidade de residuos e desperdicios nos espazos públicos.

Concello de Mos

As brigadas municipais faranse cargo tamén do mantemento de fontes e lavadoiros, da limpeza de determinados viais, e do mantemento do paseo do río Louro así como o camiño de Santiago. Prestarase especial atención e coidado ao mantemento en perfecto estado do mobiliario urbano (marquesinas autobús, bancos, papeleiras, etc).

Tamén se solicitou por parte do Concello á contratación de 2 persoas preceptoras da Renta de Integración Social de Galicia (RISGA) que comezarían a traballar en xullo, e na contratación de 4 peóns forestais solicitados a través do programa APROL da Xunta (que comenzarían no mes de xuño), como acción preventiva de lumes e para evitar queimas a raíz dos incendios do pasado mes de outubro de 2017. Dito persoal adicarase tamén á limpeza de maleza en fincas e taludes.

Deste xeito, nun prazo de medio ano (de maio a outubro), o goberno local mosense pretende lograr “un Mos Limpo con maiúsculas para uso e disfrute das persoas”.

ÚLTIMAS

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...

Policías nacionais denuncian falta de efectivos no Nadal e piden unha vía de emerxencias libre de tráfico

Os sindicatos da Policía Nacional CEP e Jupol denunciaron este xoves falta de axentes na cidade de Vigo para...

Excarceran unha condutora tras saír da vía en Mos

A condutora dun turismo resultou ferida e tivo que ser excarcerada tras saírse da...