O Concello do Porriño informou na súa conta da rede social Facebook de que se atopa activa unha alerta internacional pola desaparición nos Países Baixos dunha veciña do municipio pontevedrés, da que non se teñen noticias desde o pasado 4 de setembro.

Trátase de Diana Requejo Martínez, de 39 anos de idade, e que, segundo o cartel difundido por SOS Desaparecidos, mide 1,75 metros de estatura, é de complexión delgada e ten o pelo negro e os ollos marróns. Na súa publicación, o Concello pide que se alguén ten algunha información sobre o seu paradoiro comuníqueo á Asociación SOS Desaparecidos ou contacten coa Policía.