InicioSociedadeAumenta a presión hospitalaria pola Covid e mantéñense os casos activos en...

Aumenta a presión hospitalaria pola Covid e mantéñense os casos activos en Vigo

Nos últimos días faleceron outras catro persoas na área de Vigo.

PUBLICADO O

Os pacientes hospitalizados pola Covid-19 en Galicia seguen en aumento e ascenden a 747, que supoñen 21 máis que a xornada anterior, tras rexistrarse outros 1.427 novos contaxios, mentres que os casos activos aumentan a 12.972 –case un centenar máis–. Pola súa banda, a taxa de positividade mantense nun 25 por cento no conxunto de Galicia.

Segundo os datos actualizados este martes pola Consellería de Sanidade, con rexistros ata as 18,00 horas do luns, recollidos por Europa Press, aumentan a 19 as persoas hospitalizadas en UCI pola Covid-19 en Galicia –tres máis– e a 728 as ingresadas en unidades convencionais –18 máis–, mentres que 12.225 pacientes permanecen en seguimento no seu domicilio. O martes anterior –12 de abril– había 583 hospitalizados, deles 15 en UCI.

Por áreas sanitarias, a presión hospitalaria alíviase en tres das sete: A Coruña-Cee, Ourense e Santiago-Barbanza, mentres que aumenta nas outras catro: Vigo, Lugo, Ferrol e Pontevedra-O Salnés. Na de Vigo en concreto aumentan a tres os pacientes Covid en UCI –dous máis– e a 118 os doutras unidades –16 máis–.

LIXEIRO AUMENTO DE CASOS

Tras o lixeiro descenso de casos activos no inicio desta semana tras o período festivo de Semana Santa, experimentan un ascenso ata os 12.972, que supoñen 97 máis, ao haber máis contaxios (1.427) que altas (1.318), ao que se engaden varios falecementos. O martes 12 de abril había 11.672 infeccións activas.

As infeccións activas aumentan en cinco das sete áreas sanitarias, coa da Coruña e Cee á cabeza (+76), seguida da de Pontevedra e O Salnés (+29), Lugo (+22), Santiago e Barbanza (+20) e Ourense (+8), mentres que descenden nas de Ferrol (-53) e Vigo (-3). Por tanto, con máis infeccións activas mantense a área da Coruña e Cee, con 2.539; seguida da de Santiago e Barbanza, con 2.167; Vigo, con 2.164; Lugo, con 1.899; Ourense, con 1.652; Pontevedra e O Salnés, con 1.458; e á cola continúa a de Ferrol, con 1.084.

Segundo o último informe actualizado polo Ministerio de Sanidade este pasado martes, 12 de abril, adaptado ao novo sistema de vixilancia da Covid-19 centrado en poboación vulnerable, a incidencia acumulada a 14 días en Galicia en maiores de 60 anos sitúase en 837,79 casos por 100.000 habitantes, mentres que a media estatal se reduce a 435,42.

VÍTIMAS

As vítimas da pandemia pola Covid-19 en Galicia ascenden a 3.300 despois de notificar a Consellería de Sanidade este martes outros 11 falecementos rexistrados en varios días, todos de pacientes con patoloxías previas, entre eles unha muller de 48 anos. En concreto, o pasado 12 de abril morreu unha muller de 80 anos na área sanitaria de Vigo; mentres que o día 13 faleceu outra de 88 anos no mesmo distrito. Polo seu lado, o 17 de abril perderon a vida outros dous homes de 64 e 88 anos na área de Vigo.

ÚLTIMAS

Detido un home pola súa suposta vinculación co crime da maleta

A Policía Nacional detivo na mañá deste venres a un home pola súa presunta vinculación co...

Vigo rexeita o “caciquismo” do PP na deputación ao “censurar” a relatoras por “causas políticas”

O pleno de Vigo aprobou este venres, cos votos do PSOE e do BNG, unha...

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...