Gracias ao labor de tódolos efectivos, a situación no incendio do polígono industrial A Granxa, no Porriño, atópase fóra de perigo. Aínda non foi posible apagar o lume, mais non hai risco de que se estenda e ocorran males maiores.

Chegaron bombeiros de Vigo, Vilagarcía ou O Morrazo, ademais da Policía Local e gardas forestais, e o 112 empregou un helicóptero. O incendio, máis concretamente, acendeu na nave dunha empresa de reciclaxe de residuos metálicos, Alumisel.

Por fortuna, aos danos materiais non hai que sumar mortos nin feridos, en principio e segundo as principais axencias de comunicación. Na nave en cuestión acumulábase abundante chatarra como se pode apreciar na última foto.