A mestura entre o metal e o folclore galego da banda viguesa Mileth volve aos escenarios no que será o primeiro concerto do grupo desde o comezo da pandemia. Será o sábado 27 de novembro na Sala Rebullón de Mos e non estarán sós: tocarán acompañados da anda de neofolk Cuélebre, fundada en Valencia, que visitará Galicia por primeira vez nos seus dez anos de traxectoria con motivo tamén do seu regreso á música en directo dende a irrupción da covid-19.

O grupo galego, instalado en Vigo pero fundado na Mariña lucense, interpretará as cancións do seu álbum Catro Pregarias no Albor da Lúa Morta, lanzado en 2019, cuxos concertos de presentación ficaron interrumpidos por mor da situación sanitaria.

O álbum, indican, plasma a súa mestura de instrumentos tradicionais ou cantareiras co metal extremo, acompañado dunhas letras que recollen as lendas e os costumes da Galicia máis mística e enxebre.