Un home resultou ferido nunha colisión rexistrada na mañá deste venres no municipio fe Mos e unha muller nunha saída de vía ocorrida en Redondela.

Segundo informou o 112 Galicia, en Mos unha colisión entre dous turismos saldouse cun home ferido. O choque produciuse na A-55, á altura do punto quilométrico 9, en torno ás 7,30 horas deste venres.

Ao lugar desprazouse unha ambulancia de soporte vital básico para asistir ao home D.M.M., de 40 anos, que foi trasladado ao Hospital Álvaro Cunqueiro de Vigo, confirmaron a Europa Press fontes sanitarias.

SAÍDA DE VÍA

Por outra banda, unha muller resultou ferida despois de saírse da vía co seu vehículo e precipitarse por un terraplén. O accidente tivo lugar ás 5,30 horas deste venres cando unha persoa particular chamou ao 112 Galicia para informar o suceso.

De acordo co seu relato, a condutora do turismo atopábase liberada e accesible, pero necesitaba asistencia sanitaria ao saír da vía á altura do número 30 da estrada do Coto, no en Redondela.

Ao lugar o 061 enviou unha ambulancia de soporte vital básico para atender á muller S.M.G., de 29 anos, que foi trasladada ao Hospital Álvaro Cunqueiro, sinalaron fontes sanitarias.