A alcaldesa do Porriño, a socialista Eva García de la Torre, mantivo este luns un encontronazo con membros da Plataforma Antilindano da Louriña, e cargos políticos, entre os que se atopaban dirixentes de IU como o concelleiro de Esquerda Unida-Son, Pedro Ocampo, ou a deputada no Parlamento de Galicia, tamén de Izquierda Unida, Eva Solla.

A tensión xurdiu cando Pedro Ocampo quixo acceder ao concello mentres tiña lugar unha xuntanza con técnicos da Xunta para informar das analíticas sobre o lindano. Un policía local impediulle a entrada e a xente, que estaba concentrada diante do concello, comezou a protestar. Nese momento, foi a propia alcaldesa quen saíu fóra para falar co edil e os concentrados.

Iniciouse unha discusión na que a rexedora dixo sentirse agredida pola violencia verbal dalgúns dos concentrados, o que dexenerou un tenso debate. Ao final, tivo que intervir o propio edil de EU para tentar calmar os ánimos dalgúns deles.

“¿Me han llamado indecente, sinvergüenza, ridícula y decís que no me insultáis?”, dixo nun momento a rexedora ante a violencia verbal dalgúns dos concentrados enfadados con ela por dicir que a agredían.

Esta é a seguencia dos feitos: