InicioEconomíaDesestimada a demanda de Vitrasa contra o laudo que rexeitou o 'descolgue'...

Desestimada a demanda de Vitrasa contra o laudo que rexeitou o ‘descolgue’ salarial

PUBLICADO O

- Advertisement -

O xulgado do Social 1 de Vigo ditou sentenza na que desestima a demanda da empresa Vitrasa, concesionaria do bus urbano da cidade olívica, fronte aos sindicatos e fronte á Consellería de Promoción do Emprego e Igualdade (Comisión Tripartita Galega para a Inaplicación de Convenios) na súa impugnación do laudo arbitral que lle denegaba o ‘descolgue salarial’.

Na súa resolución, o maxistrado sinala que, aínda que é certo que se daban as condicións de perdas económicas para pedir a inaplicación do convenio colectivo (á que se sumaba a intención de Vitrasa de reducir nun 30 % os soldos), houbo dúas circunstancias que invalidarían esa solicitude.

Por unha banda, e aínda coñecendo as perdas que sufriría polas restricións da pandemia, Vitrasa aceptou unha prórroga de 5 anos na concesión (en xuño de 2020). Por outra banda, a empresa, segundo a sentenza, fiou a súa recuperación económica ás compensacións que cría que recibiría do Concello, e que non recibiu (polo menos non na cantidade que pretendía, polo que iniciou un contencioso contra a administración municipal).

O xuíz sinala que, nese escenario, a empresa “non pode pretender agora cargar sobre o persoal as perdas económicas que coñecía que se producirían cando aceptou a prórroga”. Ademais, engade, unha redución salarial do 30 %, unida á forte inflacción actual, reduciría “a case a metade” o poder adquisitivo do persoal.

ÚLTIMAS

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...

O BNG esixe pór fin ao “descontrol” e á “barra libre” dos pisos turísticos en Vigo: “En 5 anos, pasaron de 400 a 2.400”

O BNG de Vigo esixiu ao goberno municipal e á Xunta de Galicia que poñan fin...

O embaixador de Perú rende homenaxe ás vítimas do Villa de Pitanxo no porto de Vigo

O embaixador de Perú en España, Luís Iberico Núñez, encabezou este domingo unha ofrenda...

Enfróntase a máis de 16 anos de cárcere acusado de violar e roubar a unha muller á de traballar dun hospital de Vigo

A sección quinta da Audiencia Provincial de Pontevedra, con sede en Vigo, xulgará o vindeiro...