A factoría viguesa do grupo automobilístico Stellantis suspenderá este martes a actividade nos seus dous sistemas de produción por causas de forza maior, a consecuencia da falta de aprovisionamentos de certas pezas, segundo informou a compañía aos traballadores.

Desta maneira, a empresa vese obrigada de novo a interromper a súa produción, que retomará a partir do mércores, día 19 de outubro, na quenda das 06,00 horas.

Así, as dúas liñas de produción de Stellantis Vigo permanecerán pechadas durante o martes por falta de subministracións, como xa ocorreu en innumerables ocasións nos últimos meses.