InicioEconomíaO Goberno central pospón a mesa da ciencia pesqueira en Vigo ata...

O Goberno central pospón a mesa da ciencia pesqueira en Vigo ata que se resolva o veto europeo á pesca de fondo

O Ministerio de Pesca está a preparar co Instituto Español de Oceanografía o recurso contra ese veto.

PUBLICADO O

- Advertisement -

O Goberno central anunciou que pospón a celebración da mesa da ciencia pesqueira, prevista para este mes de outubro en Vigo, ata que se resolva a resolución do veto europeo á pesca de fondo que prohibe a actividade en 87 caladoiros do Océano Atlántico e que entrou en vigor o pasado domingo 9 de outubro.

Así o confirmou a ministra de Ciencia e Innovación, Diana Morant,  no estaleiro vigués Armón. Alí, a ministra xustificou esta decisión porque un dos obxectivos desta iniciativa é “dar conta das resolucións da Comisión Europea á comunidade pesqueira” e, nestes momentos, asegurou, o Goberno “está centrado no recurso”, polo que a mesa posponse “para cando haxa máis información que trasladar”.

“Non hai data porque os acontecementos nolo impediron e o Goberno está a facer fronte á resolución da Unión Europea. Non estamos de acordo. O Ministerio de Pesca está a preparar o recurso co Instituto Español de Oceanografía, é dicir, da man da ciencia porque consideramos que non é incompatible o traballo da frota pesqueira española coa sustentabilidade e a preservación do medio natural”, explicou Diana Morent.

A titular de Ciencia quixo “reafirmar o compromiso” do Executivo central de crear esta mesa da ciencia e a pesca, “unha iniciativa pioneira”, pero, reiterou, “non se vai poder celebrar no mes de outubro”, tras coñecerse a resolución da Comisión Europea sobre o veto á pesca de fondo.

Neste sentido, manifestou que a ciencia traballa “man a man e de xeito conxunto” de maneira interministerial –xunto ao Ministerio de Agricultura, Pesca e Alimentación– para “favorecer que a sociedade teña beneficios do mar de maneira sustentable”. “Ao lado da ciencia, pero tamén ao lado dos pescadores”, insistiu.

Así mesmo, sinalou que a mesa da ciencia pesqueira é un proxecto “dunha altura política que nunca se practicou” en España. Unha iniciativa, continuou, coa cal se poden “pór en común” os intereses, “que non están enfrontados, senón aliñados”, entre a investigación científica e os sectores produtivos que “despois fan unha explotación dos mares e océanos” e que, engadiu, “queren facelo tamén en base á ciencia e o coñecemento porque se xogan o seu futuro e o de todas as xeracións”.

RECURSO

Cuestionada sobre cando presentará o Goberno o recurso ante o Tribunal de Xustiza da Unión Europea, Diana Morant expuxo que o Executivo “esta traballando nel” e quere que sexa un recurso “de moita solvencia e de moito rigor científico”.

Neste sentido, asegurou que considera que a Unión Europea “se excedeu” e que “hai zonas que se declararon como de preservación fronte á pesca de arrastre que exceden ao que cientificamente apúntase a que é necesario protexer”.

Por iso, insistiu en que o Goberno central “non está a favor” e cre que esta resolución “excede os límites para a preservación do medio ambiente”.

“Somos capaces de preservalo e nós tamén queremos preservalo, pero non coincidimos con esta resolución e estamos a traballar con moito rigor para convencer á Unión Europea de que se equivocan. Oxalá podamos convencelos e traballar con rigor científico e que os sectores produtivos teñan o dereito á explotación sustentable que nós consideramos”, apostilou a ministra de Ciencia.

ÚLTIMAS

Rueda e Caballero dan pasos para desbloquear a ETEA, as pistas de atletismo ou o túnel de Beiramar

A Xunta de Galicia e o Concello de Vigo acordaron este martes dar os pasos necesarios para desbloquear...

Anuncian folga indefinida de ambulancias en Vigo, Cangas e Moaña, e alertan dun “colapso” do servizo

Os sindicatos CIG, CC.OO., e USO anunciaron a convocatoria de folga indefinida, na tempada...

BNG esixe a Abel Caballero que faga fronte o “grave problema de vivenda” coa moción aprobada en marzo

O grupo municipal do BNG no Concello de Vigo esixiu este martes ao alcalde,...

Concentración de traballadores de Correos en Vigo para denunciar o déficit de persoal

Delegados sindicais concentráronse este martes en Vigo para denunciar o déficit de persoal en...