Empresas do sector pesqueiro aproveitaron o segundo día da Feira Internacional de Produtos do Mar conxelados, Conxemar, para presentar en Vigo os seus novos avances, como foi o caso da planta frigorífica 4.0 de Orpagu e CTAG.
Así, a Organización de Palangreiros Guardeses e o Centro Tecnolóxico de Automoción de Galicia compartiron este mércores os avances dun proxecto que harmonizará os postos de traballo da nova planta frigorífica que os armadores guardeses inaugurarán a finais deste ano en Tui.
Neste sentido, Orpagu lamentou nun comunicado que a falta de substitución xeracional non só afecta á pesca, senón tamén aos traballos que rodean esta actividade, como os encargados de descargar, manipular e clasificar exemplares que, no caso da frota palangreira, en ocasións superan os 100 quilos.
Co obxectivo de harmonizar estes postos de traballo e conseguir abrilos a máis persoas, Orpagu impulsou unha iniciativa de automatización de procesos na pesca para o que contou coa colaboración de CTAG e o respaldo dos fondos europeos Next Generation U
