InicioEconomíaCIG leva ao xulgado o rexistro retributivo da empresa viguesa Domiberia por...

CIG leva ao xulgado o rexistro retributivo da empresa viguesa Domiberia por “vulnerar o dereito de igualdade”

O sindicato xa levou hai unhas semanas o grupo automobilístico Stellantis ante os xulgados precisamente por considerar que o seu plan de igualdade tiña "moitas carencias legais", pero o xulgado desestimou a demanda.

PUBLICADO O

O Xulgado do Social número 6 de Vigo acollerá o vindeiro luns, 1 de esgoto, o xuízo contra o rexistro retributivo da compañía viguesa Domiberia, despois da denuncia presentada pola CIG ao entender que vulnera o dereito fundamental de igualdade entre mulleres e homes.

Tal como explicou a central sindical, a CIG detectou unha serie de “irregularidades” no rexistro de 2020, unha vez que foi entregado pola empresa o ano pasado.

“Solicitámolo porque era o primeiro ano que tiñan a obriga de facelo público tras a entrada en vigor do real decreto de igualdade retributiva entre mulleres e homes”, explicou a CIG.

Para eles, na práctica a empresa fai un “paripé” e presenta documentos con “moitas carencias legais” para cumprir coa obriga normativa, “xa que esta mesma problemática se atopa en moitas compañías, tanto a nivel de rexistro retributivo como de negociación de plans de igualdade”.

Por iso, lamentou que as firmas non tomen en serio este tipo de ferramentas de promoción da igualdade, “senón que tentan cubrir simplemente o trámite legal sen negociación e mediante un proceso escuro no que moitas veces ocultan información“.

A CIG tamén levou hai unhas semanas o grupo automobilístico Stellantis ante os xulgados precisamente por considerar que o seu plan de igualdade tiña “moitas carencias legais”. Con todo, o Xulgado do Social número 2 de Vigo desestimou a demanda do sindicato e confirmou a validez da política de igualdade do fabricante de vehículos.

ÚLTIMAS

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...

Policías nacionais denuncian falta de efectivos no Nadal e piden unha vía de emerxencias libre de tráfico

Os sindicatos da Policía Nacional CEP e Jupol denunciaron este xoves falta de axentes na cidade de Vigo para...

Excarceran unha condutora tras saír da vía en Mos

A condutora dun turismo resultou ferida e tivo que ser excarcerada tras saírse da...