Air Nostrum puxo á venda un total de 7.800 prazas para voar este verán entre Santander e Granada, Vigo e Jerez de la Frontera, en Cádiz.

No caso de Vigo, a saída de Peinador realizarase ás 10.50 horas para estar en Parayas ás 11.50, desde onde sairá ás 20.10 horas para chegar ao aeródromo vigués ás 21.10 horas.

A compañía franquiciada de Iberia para voos rexionais operará as tres conexións con dúas frecuencias semanais, os mércores e domingos, desde este próximo 24 de xullo e ata o 4 de setembro.

Trátase de rutas novas entre a capital cántabra e esas cidades, e enmárcanse na operativa especial de verán. Os voos vanse a realizar co avión CRJ-1000 cunha capacidade de 100 pasaxeiros.