O persoal de persoal da UTE Zonas Verdes Vigo (Acciona y Mantiene) decidiu por maioría absoluta desconvocar a folga indefinida tras alcanzar un acordo coa empresa que iguala as condicións laborais do persoal a tempo completo e parcial.

Tal como indicou a CIG nun comunicado, o paro, cuxo inicio estaba previsto para o pasado luns 20 de xuño, fora suspendido antes do seu comezo tras solicitar a empresa unha mediación.

Nela, as partes pactaron que os empregados a tempo parcial terán os mesmos dereitos que os que traballan a tempo completo, ademais de que se lles aplicará o convenio na súa integridade, “cousa que ata agora non sucedía xa que non tiñan os mesmos descansos, nin o mesmo tempo para bocadillo, nin os mesmos días de libre disposición”, entre outros.

Por iso, a partir do próximo 1 de agosto o persoal a tempo parcial pasará a traballar 30 horas semanais para facer horario de tarde e gozarán de dous días de descanso rotativos. Ademais, aumentarase a xornada no caso de que se produza un incremento do persoal a tempo completo.