InicioEconomíaO Parlamento galego demanda que Vigo sexa sede das áreas de pesca...

O Parlamento galego demanda que Vigo sexa sede das áreas de pesca e acuicultura do Instituto Español de Oceanografía

O PP galego carga contra o Goberno central e o BNG lémbralle que mentres en Galicia votou a prol da transferencia de competencias á Xunta, en Madrid votou en contra.

PUBLICADO O

O Parlamento demandou ao Estado que, no marco do plan de descentralización do Instituto Español de Oceanografía (IEO) impulsado polo Ministerio de Ciencia, Vigo sexa sede central deste organismo, especialmente das áreas de pesca e acuicultura.

Así se pediu en sedas propostas aprobadas, por unanimidade, na Comisión de Pesca do Parlamento galego celebrada este venres, unha do PP –transaccionada co PSdeG– e outra do BNG.

Durante o debate, a portavoz popular de Mar, Teresa Egerique, lamentou a “nefasta xestión que está a facer o Goberno central do Instituto Español de Oceanografía e a dramática situación económica na que se atopa, a pesar da súa integración no Consejo Superior de Investigaciones Científicas”.

“Levamos tres anos defendendo a necesidade de recuperar o potencial do IEO e esixindo o seu saneamento económico, polo que xa dixemos que esta integración non era a solución”, agrega.

Pola súa banda, Carmela González (BNG) remarcou que este é o cuarto acordo unánime do Parlamento desde 2016 que pide que a Xunta reclame ao Estado o traspaso a Galicia do IEO.

Así mesmo, a deputada nacionalista require que o PP apoie o acordo tamén en Madrid, pois recrimina que “o mesmo PP que aquí votou a prol da transferencia de competencias dos centros oceanográficos de Galicia á Xunta, en Madrid votou en contra”.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...