InicioEconomíaLonza Biologics Porriño adquire 102.000 metros cadrados da Plisan

Lonza Biologics Porriño adquire 102.000 metros cadrados da Plisan

A compañía investiu máis de 5,4 millóns de euros.

PUBLICADO O

- Advertisement -

A compañía Lonza Biologics Porriño investirá máis de 5,4 millóns de euros na adquisición de catro parcelas na Plataforma Loxística e Industrial de Salvaterra-As Neves (Plisan), sumando uns 102.000 metros cadrados, a maior superficie asignada ata o momento.

Así o anunciou a Xunta este venres nun comunicado, no que sinalou que Lonza Biologics Porriño é a quinta firma que se asentará na Plisan con catro parcelas en réxime de dereito de superficie. O presidente da Xunta, Alberto Núñez Feijóo, e a conselleira de Medio Ambiente, Territorio e Vivenda, Ángeles Vázquez, reuníronse co director da empresa, Keith Dailey, e con outros dous representantes para abordar a incorporación de Lonza Biologics á Plisan.

Na actualidade, Lonza, empresa do sector biotecnolóxico, conta cunha planta no polígono industrial de Torneiros, a uns 20 quilómetros da Plisan. Desde 2006, especializouse na fabricación a medida de proteínas recombinantes e anticorpos monoclonales terapéuticos. A compañía conta con case medio milleiro de empregados.

QUINTA INCORPORACIÓN Á PLISAN

Lonza Biologics Porriño convértese así na quinta incorporación á Plisan, despois de que os conserveira Hijos de Carlos Albo adquirise 63.000 metros cadrados cun valor de case 3,3 millóns de euros en novembro de 2020 e a tecnolóxica BETA Implants se fixese con 5.200 metros por 371.000 euros. Ademais, a conserveira Frinsa adquiriu 41.000 metros por 2,2 millóns e a empresa de augas Gainser sumou 2.650 metros por 190.000 euros.

ÚLTIMAS

Concello e deputación acordan reformar a bancada de Gol en Balaídos

A Xunta de Goberno do Concello de Vigo deu este luns luz verde ao...

Tres detidos en Portugal e máis 1.000 quilos de cocaína intervidos nos portos de Sines e Vigo

Unha investigación posta en marcha pola Polícia Judiciária de Portugal e que contou coa cooperación da...

Detectado e eliminado un punto de vertedura de augas residuais en Redondela

Os técnicos do Programa de Control de Verteduras, dependente de Augas de Galicia, detectaron un...

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...