A planta viguesa do grupo Stellantis (antes PSA Peugeot Citröen) informou de que este mércores parará a súa produción nas tres quendas do sistema M1 debido aos problemas de subministración de compoñentes con semiconductores (microchips).

Así o confirmaron o martes fontes da empresa a Europa Press, que lembraron que esta situación se debe a problemas de abastecemento derivados da crise mundial de semiconductores (microchips), que van integrados en diversos compoñentes dos vehículos.

De feito, a factoría viguesa xa tivo que paralizar a súa produción varias veces nas últimas semanas, a última delas este mesmo luns, cando tamén quedaron sen actividade as tres quendas do sistema M1, no que se montan o Peugeot 2008, o C-Elysée e o Peugeot 301.

Para afrontar as paradas de produción, a dirección da planta trasladou o luns aos sindicatos a necesidade de negociar canto antes un expediente de regulación temporal de emprego (ERTE), dado que “os mecanismos de flexibilidade” cos que conta a planta (bolsa de horas e días de adecuación de xornada) “vanse a ir esgotando”.