InicioEconomíaMulleres traballadoras da industria, principais afectadas polo peche da fronteira segundo a...

Mulleres traballadoras da industria, principais afectadas polo peche da fronteira segundo a AECT Río Miño

Nun comunicado remitido este luns, a AECT Río Miño asocia estas circunstancias a dúas posibles causas: unha maior decisión das mulleres rexistrarse e reclamar os seus dereitos, ou a que a man de obra transfronteiriza ten "unha maioría de xénero femenino".

PUBLICADO O

A Agrupación Europea de Cooperación Territorial do Río Miño (AECT Río Miño) indicou que o perfil maioritario das persoas afectadas polo peche da fronteira con Portugal son mulleres que traballan no sector da industria.

Así o indicou a partir do estudo que elaborou partindo de datos achegados entre o 2 e o 18 de marzo por persoas prexudicadas polo peche de fronteiras, co que conclúe que un 62 por cento das afectadas son mulleres.

Nun comunicado remitido este luns, a AECT Río Miño asocia estas circunstancias a dúas posibles causas: unha maior decisión das mulleres rexistrarse e reclamar os seus dereitos, ou a que a man de obra transfronteiriza ten “unha maioría de xénero femenino”.

En canto á ocupación destas persoas, o 50 por cento traballa no sector industrial, e en menor medida no sector servizos, no comercio e na administración e servizos públicos.

O rexistro de afectados o peche da fronteira con Portugal, iniciativa posta en marcha hai 15 días e que xa conta cunhas 200 persoas inscritas, segue aberto a través da web de Smart Minho. O obxectivo é usalo de base para reclamar compensacións.

PREXUÍZOS

Achega do prexuízo provocado, a maioría das persoas que se rexistraron referíronse ao “grave aumento de distancia e tempo no percorrido entre a súa residencia e o seu traballo“. En segundo lugar, acusaron un incremento “notable” nos custos dos seus desprazamentos.

Ademais, case un 13 por cento denunciou que a situación lles impediu cruzar a fronteira para acudir ao seu posto de traballo. Finalmente, un 1,76 por cento alegou un prexuízo derivado da diminución de clientes procedentes do outro país.

Respecto deste último caso, a AECT Río Miño afirma que “é moi común, aínda que non o é nesta lista, dado que o prexuízo para moitos negocios de ambas as beiras do Miño depende dos clientes dos dous países”.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...