InicioEconomíaO vicepresidente da Xunta responde a Caballero sobre o plan de axudas...

O vicepresidente da Xunta responde a Caballero sobre o plan de axudas a hostalaría: “O primeiro é que poña de acordo aos seus”

O alcalde de Vigo está disposto a participar dun plan conxunto cos Gobernos galego e central se os concellos xestionan a asignación dos fondos.

PUBLICADO O

- Advertisement -

O vicepresidente primeiro da Xunta, Alfonso Rueda, respondeu ao alcalde de Vigo, Abel Caballero, quen se mostrou disposto a participar dun plan conxunto cos Gobernos galego e central para axudar á hostalaría se os concellos xestionan a asignación dos fondos, que “o primeiro que ten que facer é pór de acordo aos seus”.

Agora sae dicindo que si, pero a Deputación que preside unha concelleira do seu concello acaba de dicir que non, que de ningunha maneira e que non están dispostos a pór un só euro para a hostalaría”, subliñou.

“Que se poñan de acordo porque os hostaleiros necesitan axuda e necesítana xa”, sentenciou Rueda, quen aludiu ao plan de rescate impulsado pola Administración galega, do que “xa está ingresada a práctica totalidade das contías”.

Agora, agregou, é preciso continuar axudando a este sector, un dos que sufriu un maior impacto polas restricións derivadas da loita contra a pandemia.

“Pedíronnos que nos xuntásemos todos e axudásemos, pero para iso hai que deixarse de pelexas e hai que saber se se quere facer. A Xunta quéreo facer e espero que o PSOE diga canto antes que si, que se poñan de acordo e poñámonos a traballar”, sentenciou o vicepresidente, en declaracións nun acto en Vilaboa.

O ALCALDE REAFÍRMASE

Por outra banda, o alcalde de Vigo reafirmou este martes que el “acepta” o “modelo Valencia” sempre que os fondos os xestionen os concellos.

“Que todo se transfira ao concello e este asigne recursos de acordo a uns baremos. (…) Esperamos que digan que cantidade asignan a Vigo, que a transfiran e Vigo complementará as cantidades da Xunta coas cantidades da Deputación, de acordo co modelo Valencia”, deu por feito.

ÚLTIMAS

Xulgan este mércores aos dous acusados de roubar 117.500 euros nun Abanca de Vigo

A sección quinta da Audiencia Provincial de Pontevedra, con sede en Vigo, xulga este mércores,...

Un mozo enfróntase a 3 anos de prisión por tocamentos a unha moza en Vigo, á que ameazou cunha arma simulada

Un mozo enfróntase á pena de 3 anos de prisión como presunto autor dun...

Licitados por case un millón de euros os estudos do tramo de AVE entre O Porriño e a fronteira portuguesa

O Ministerio de Transportes e Mobilidade Sustentable informou este venres da licitación, por case...

Inadmitido o recurso do Concello de Vigo contra o requirimento do Porto para que pague varias obras

O Tribunal Superior de Xustiza de Galicia (TSXG) declarou a inadmisibilidade dun recurso interposto polo Concello de...