InicioEconomíaUn centro tecnolóxico do Porriño lidera un proxecto con aplicacións na industria...

Un centro tecnolóxico do Porriño lidera un proxecto con aplicacións na industria aeroespacial

A investigación podería axudar a reducir o peso de elementos presentes en naves espaciais.

PUBLICADO O

O centro tecnolóxico AIMEN, situado no Porriño (Pontevedra), lidera o proxecto PHENOmenon, no que participan investigadores doutras institucións (Fundació Institut de Ciències Fotòniques de España, Centre National da Recherche Scientifique de Francia, e Institut Mines Tèlècom de Francia) e que traballa na fabricación de ópticas e produtos holográficos para sectores como a automoción ou o aeroespacial.

Este proxecto, que tamén conta con socios empresariais, investiga o desarollo dunha nova tecnoloxía de fabricación de ópticas e holografía para aplicacións como a iluminación de alta eficiencia, a mellora de pantallas curvas e flexibles, a seguridade de documentos ou produtos innovadores para a industria.

Así, PHENOmenon, que conta cun investimento de 4 millóns de euros, traballou coa “paralelización masiva”, unha técnica de produción por láser que permite dividir un haz de láser en gran cantidade de raios simultáneos, cada un dos cales é capaz de funcionar como unha impresora 3D independente a escala nanométrica.

É a primeira vez a nivel mundial que se consegue dividir un único láser en máis de 10.000 fas simultáneos cunha resolución mellor que unha micra e mantendo o proceso con calidade. Así se pode aproveitar mellor a potencia dos láseres industriais, redúcense os tempos e abarátanse os procesos.

APLICACIÓNS

Grazas a esta técnica, puidéronse fabricar lentes dun espesor dunha micra e con propiedades ópticas extraordinarias, usando só nanoestructuras impresas en 3D. Isto permitirá, entre outras cousas, deseñar sistemas de concentración solar sen practicamente engadir peso, algo moi relevante nas aplicacións espaciais, e posibilita miniaturizar cámaras e sensores.

No marco deste proxecto tamén se logrou transformar ‘filme’ plástico nun difusor ultracompacto de alto rendemento, grazas á aplicación de microestructuras fabricadas por láser. Este fito permitirá aplicacións en pantallas de dispositivos TIC, como as pantallas curvas e flexibles.

COLABORACIÓN CON EMPRESAS E ORGANISMOS

Todos estes avances están a validarse en diferentes aplicacións innovadoras, unha delas é para a Fábrica Nacional de Moeda e Timbre, para a que se están deseñando novas estruturas holográficas para documentos de identidade e para dificultar as falsificacións.

Tamén se está traballando co grupo PSA para integrar nos coches paneis de información e entretemento, con interacción ‘touchless’ empregando hologramas.

Outra das aplicacións está a desenvolverse coa firma FlexEnable, e trátase dun sistema de retroiluminación eficiente para pantallas flexibles e curvas; tamén se colabora coa empresa DesignLED na fabricación de láminas plásticas flexibles con LEDs integrados e, por último, coa firma Thales coopérase no desenvolvemento de concentradores fotovoltaicos para aplicacións aeroespaciais.

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un conductor que superaba por cinco puntos a taxa de alcol permitida

A Policía Local de Redondela interceptou o pasado domingo a un home, veciño de...