Traballadores da empresa de Nueva Pescanova en Chapela (Redondela) foron obrigados a entrar a traballar a pesar de confirmarse un positivo.

Segundo fontes de familiares consultadas por XdV, a empresa obrigou aos traballadores a continuar coas súas labores este Venres Santo, a pesar do positivo. “Déronlles unhas máscaras e unha especie de burka e dixeron que tiñan que cubrir a quenda de traballo”, apuntan.

A factoría comprometerase hai uns días a facer tarefas de desinfección pero, polo momento, non as ten realizados. “Teño moito medo porque a miña filla ten que traballar igual sen que se garden as distancias mínimas esixidas polo Goberno”, asegura esta familiar.

Ante a tensión creada e a negativa dalgúns operarios a traballar, familiares decidiron chamar á Policía Nacional para que interveña e decida as medidas que hai que adoptar.

Posteriormente, Pescanova anunciou na tarde deste venres que illou a todos os traballadores que estiveran en contacto co empregado que deu positivo por coronavirus e mandou unha mensaxe de calma. Asegurou que, aínda que comunicouno este xoves, xa non viña ao traballo desde o pasado 4 de abril.