InicioEconomíaO BNG celebra a sentenza polas peaxes de Rande: "Deixa co cu...

O BNG celebra a sentenza polas peaxes de Rande: “Deixa co cu ao aire a Xunta e Ministerio de Fomento”

O Xulgado do Mercantil número 1 de Pontevedra condena a Audasa a devolver as peaxes "abusivas" cobradas.

PUBLICADO O

- Advertisement -

O deputado autonómico do BNG Luís Bará celebra o “avance” da sentenza do Xulgado do Mercantil número 1 de Pontevedra que condena a Audasa, empresa concesionaria da AP-9, a devolver as peaxes “abusivas” cobradas durante as obras de ampliación da ponte de Rande.

Para o parlamentario nacionalista, o fallo que transcendeu este luns “deixa co cu ao aire a Xunta e Ministerio de Fomento”, que “coa súa complicidade non foron capaces de pararlle os pés a Audasa nas súas prácticas abusivas”.

Ademais, Bará lamenta que tivese que ser a Fiscalía e o Xulgado os que “plantasen cara” á concesionaria mentres o Goberno galego non iniciaba “ningunha iniciativa para frear” estes “abusos”. Tamén cualifica de “preocupante” que a Avogacía do Estado e Fomento “apoiasen os intereses” de Audasa durante o xuízo.

Así as cousas, o Bloque propón á Xunta habilitar unha oficina de asesoramento e información ás persoas afectadas polas retencións durante as obras “co fin de conseguir o máis rapidamente a devolución das cantidades cobradas de maneira indebida”.

Así mesmo, a formación insta o Executivo autonómico a demandar ao Goberno estatal “un protocolo para levantar as barreiras nas retencións para impedir que a concesionaria continúe coas súas prácticas abusivas”.

O xulgado condena a Audasa a devolver as peaxes “abusivas” cobradas aos usuarios durante as obras de Rande

ÚLTIMAS

Concello e deputación acordan reformar a bancada de Gol en Balaídos

A Xunta de Goberno do Concello de Vigo deu este luns luz verde ao...

Tres detidos en Portugal e máis 1.000 quilos de cocaína intervidos nos portos de Sines e Vigo

Unha investigación posta en marcha pola Polícia Judiciária de Portugal e que contou coa cooperación da...

Detectado e eliminado un punto de vertedura de augas residuais en Redondela

Os técnicos do Programa de Control de Verteduras, dependente de Augas de Galicia, detectaron un...

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...