As traballadoras do grupo de centros residenciais e asistenciais para persoas maiores DomusVi concentráronse de novo diante da sede da compañía en Vigo para denunciar o “escravismo” que sofren debido a que a empresa “incumpre e vulnera” o convenio colectivo en vigor.

As empregadas lembran que os prezos que se pagan por persoa nestes centros “oscilan entre dos mil y pico y cuatro mil euros” , ao que hai que engadir servizos que “se cobran a parte”, como fisioterapia, aluguer de cadeiras de rodas, servizo de televisión, etc.

A todo isto hai que engadir os gastos de servizos como perruquería ou cafetaría que se cobran a prezos de rúa, segundo estas traballadoras, que en base a todos estes gastos consideran que “una residencia privada es el negocio del siglo”.

Entre as súas demandas, esixen una lei de residencias públicas “con dignidad”, ademais de dignificar os seus dereitos como traballadores e garantir o benestar dos residentes.