InicioEconomíaOs bombeiros vigueses levan a xuízo o decreto que suspende os seus...

Os bombeiros vigueses levan a xuízo o decreto que suspende os seus descansos e “impón” horas extras

"O 30 por cento do persoal está de baixa porque non soporta esta carga de traballo", lamentan representantes dos bombeiros, e engaden que "non se pode garantir a calidade do servizo", cunhas condicións de "escravitude".

PUBLICADO O

Os xulgados de Vigo acolleron este mércores dúas vistas nunha sala do Contencioso Administrativo polos recursos presentados polos sindicatos CIG e CUT, contra un decreto municipal que suspende os seus descansos e os obriga a multiplicar horas extras, abocándoos á “escravitude”.

Con motivo da celebración destes xuízos, un centenar de bombeiros e delegados sindicais concentráronse ás portas do edificio dos xulgados en Vigo, para lembrar que o servizo non conta con persoal suficiente e que, precisamente por iso, están en folga desde mediados de agosto, aínda que non se note, din, porque o actual persoal non chega “nin para cubrir os servizos mínimos”.

O decreto da xefatura do servizo data do pasado mes de febreiro, e nel recóllese que deben suspender os descansos para cubrir o mínimo de 20 funcionarios en servizo cada día. Como consecuencia desta medida, denunciaron CIG e CUT, o servizo de bombeiros acumula horas extras de forma “alarmante”, non se respecta a lexislación en materia de seguridade e saúde laboral, impídese calquera intento de conciliación, etc.

O portavoz da CUT no servizo de bombeiros, David Mosquera, lembrou que o decreto é “ilegal” e “non foi negociado”. “Non nos queda outra alternativa, porque non hai achegamento ao persoal para tentar solucionar a situación, e reivindicamos os nosos dereitos laborais”, indicou, e sinalou que, debido a este decreto, chegáronse a facer 120 horas laborais en 9 días.

Mentres, o delegado da CIG, Miguel Uclés, denunciou que lles impoñen “unha sobreexplotación laboral, que é vergoñosa nunha administración pública”, e coa ameaza de que, se se negan, arríscanse a ser suspendidos durante tres anos de emprego e soldo.

“O 30 por cento do persoal está de baixa porque non soporta esta carga de traballo”, lamentou, e advertiu de que, nas actuais circunstancias, “non se pode garantir a calidade do servizo”, cunhas condicións de “escravitude”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...