InicioEconomíaO Eixo Atlántico lamenta que"a eurorrexión Galicia-Norte de Portugal está desaparecida"...

O Eixo Atlántico lamenta que”a eurorrexión Galicia-Norte de Portugal está desaparecida” 30 anos despois do seu nacemento

O seu secretario xeral, Xoán Vázquez Mao, aposta por "refundala".

PUBLICADO O

- Advertisement -

O Eixo Atlántico lamentou que, a piques de chegar ao seu 30º aniversario, “a eurorrexión está desaparecida” e tachou de “publicidade e propaganda” os “logros” que as administracións, especialmente a Xunta, “queren vender” sobre esta eurorrexión Galicia-Norte de Portugal.

Así o trasladou a Europa Press o secretario xeral do Eixo, Xoán Vázquez Mao, quen desafiou ao presidente galego, Alberto Núñez Feijóo, a “dicir resultados concretos da súa xestión como presidente da eurorrexión”, máis aló das xestións que os gobernos centrais de España e Portugal poidan facer, por exemplo, no marco do programa de cooperación transfronteiriza POCTEP, ou do plan de investimentos conxuntos “que elaborou o Eixo Atlántico”.

Segundo criticou Vázquez Mao, a eurorrexión comezou como un proxecto “ilusionante” con González Laxe e, “sobre todo, con Manuel Fraga”, pero “leva 15 anos parada”, nun “declive” que “comezou” con Pérez Touriño, e que Núñez Feijóo “consolidou“. “Habería que refundar a eurorrexión, redefinila e que a Agrupación Europea de Cooperación Territorial sexa unha secretaría executiva”, sinalou.

Finalmente, apuntou que a posta en marcha dunha auténtica vertebración ferroviaria sería un bo modo de impulsar a eurorrexión, e pediu a Xunta e Goberno central “que se deixen de mentiras” sobre a conexión por AVE entre Vigo e O Porto, porque “saben que Portugal non aposta polo AVE“, senón por un tren de altas prestacións, que conecte as principais cidades do arco atlántico.

A ese respecto, instou a ambas as administracións a impulsar o saída sur de Vigo, para conectar coa fronteira portuguesa, un proxecto que “non ten que esperar” para ser incluído no Corredor Atlántico (non podería solicitarse esa inclusión, asegura, ata 2023), e que pode optar a fondos europeos pola súa localización transfronteiriza. “É cuestión de vontade política: que a Xunta o leve ao Consello, que Fomento saque a exposición pública o estudo informativo previo e pedir cofinanciamento da UE”, sentenciou-

ÚLTIMAS

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

Stellantis reacciona aos aranceis: parará a produción en Canadá e México e recortará 900 empregos en EEUU

O grupo automobilístico Stellantis paralizará a súa produción durante dúas semanas nunha das súas...

Caballero di que a Xunta “mente” sobre as obras na cidade: “o túnel de Elduayen está parado”

O alcalde de Vigo, Abel Caballero, e a Xunta de Galicia volveron a protagonizar...

Condenan a un home a 3 anos de cadea por agredir sexualmente a unha muller que se hospedaba na súa casa

A sección quinta da Audiencia Provincial de Pontevedra, con sede en Vigo, condenou a...