InicioEconomíaAbel Caballero celebra o "inicio" da nova autovía Vigo-O Porriño, que ten...

Abel Caballero celebra o “inicio” da nova autovía Vigo-O Porriño, que ten un atraso de 10 anos “grazas a Rajoy”

A obra inclúe un túnel de máis de dous quilómetros por baixo de Puxeiros.

PUBLICADO O

O alcalde de Vigo, Abel Caballero, celebrou este martes que “xa se inicia” a nova autovía Vigo-O Porriño en túnel, coa adxudicación do proxecto e estudo de impacto ambiental, e lembrou a importancia desta infraestrutura, que se fará con “máis de 10 anos de atraso”, “grazas” ao goberno de Mariano Rajoy.

O rexedor olívico sinalou que a empresa adxudicataria do estudo de impacto xa se puxo en contacto co Concello olívico para actualizar a información sobre a zona afectada no termo municipal, existencia de infraestruturas actuais ou futuras, e posible afección na contorna, entre outros aspectos.

Segundo subliñou Abel Caballero, esta autovía ten unha complexidade notable na súa execución, posto que inclúe un túnel de máis de dous quilómetros por baixo de Puxeiros e ten que buscar solucións na contorna do Porriño, onde conflúen as autovías A-55, A-512 e a ligazón á AP-9. Por iso, o orzamento estimado rolda os 277 millóns de euros.

O alcalde olívico lembrou que a iniciativa de facer unha nova autovía entre a cidade e O Porriño se iniciou en 2009, coa redacción do proxecto e a declaración de impacto ambiental, pero “en 2012, o goberno de Rajoy deixou caducar a declaración de impacto ambiental” e, desde entón, “non se fixo nada”. “Tivo que chegar o goberno de Pedro Sánchez para relanzalo”, proclamou.

Segundo subliñou, na actualidade, as esixencias técnicas e de seguridade dos túneles “son infinitamente máis rigorosas” que en 2012, polo que os trámites serán máis longos, e iso aumentará o atraso na obra. “Metéronnos un atraso de máis de 10 anos, é o que lle temos que agradecer ao goberno de Rajoy e á señora Pastor, deputada por esta provincia”, ironizou Abel Caballero.

ÚLTIMAS

Abel Caballero celebrará un pleno extraordinario contra o “veto por ideoloxía” a varias relatoras nun programa da Deputación

O alcalde de Vigo, Abel Caballero, anunciou este venres que a próxima semana convocará un...

A Xunta Electoral arquiva unha denuncia do PP por declaracións de Hereu na súa visita a Redondela e Vigo

A Xunta Electoral de Galicia decretou o arquivo dunha denuncia formulada polo PPdeG en...

O Porto de Vigo pecha xaneiro como líder nacional en movemento de vehículos, con 55.801 unidades

O Porto de Vigo pechou xaneiro deste ano arrebatando o liderado en movemento de vehículos á...

O cadáver da muller achada nunha maleta presenta unha puñalada e aínda non puido ser identificada

A autopsia realizada ao cadáver da muller achada dentro dunha maleta nunha leira abandonada...