O Instituto Tecnolóxico para o Control do Medio Mariño (Intecmar), dependente da Consellería do Mar, resolveu este venres reabrir tres polígonos (B, C e D) de bateas de mexillón da zona de Redondela. Segundo informou a Xunta nun comunicado, estes son os primeiros desde o inicio do episodio por biotoxinas lipofílicas que mantiña prohibida a actividade extractiva do sector miticultor na ría de Vigo e que permite albiscar a súa remisión. Esta decisión está sustentada na mellora dos resultados obtidos polas mostraxes realizadas polo Intecmar.