O alcalde de Vigo, Abel Cabellero, augura un “cheo total” da cidade esta fin de semana, que coincide con luns festivo en Portugal polo Día da Restauración da Independencia, que se celebra o 1 de decembro. Nun audio enviado aos medios de comunicación, o rexedor dixo que a ocupación hoteleira prevista para esta fin de semana na urbe olívica alcanza o 99 %, cun “cheo total”.

Ademais, reivindicou o “efecto tractor” do Nadal de Vigo para outras localidades, “tirando” das reservas en municipios como Cangas, Sanxenxo ou Pontevedra, que están ao 95 %, ao 87 % e ao 80 %, respectivamente, segundo datos de Caballero. O alcalde tamén destacou a “importantísima” afluencia turística a Vigo, con máis de medio millón de turistas nacionais nos primeiros 9 meses do ano. “Vigo xa é neste momento unha cidade fortemente turística con turismo de altísima calidade, o que significa riqueza e empregos”, sentenciou.