InicioEconomíaStellantis Vigo asegura que a transformación "xa está aquí" e destaca a...

Stellantis Vigo asegura que a transformación “xa está aquí” e destaca a importancia da “innovación colaborativa”

En palabras do novo director da factoría viguesa, José Luís Alonso Mosquera

PUBLICADO O

- Advertisement -

O novo director da factoría viguesa do grupo automobilístico Stellantis, José Luís Alonso Mosquera, asegurou que a transformación do sector “xa está aquí”, destacando a importancia da “innovación colaborativa” para ser cada vez máis competitivos.

Así o sinalou na súa intervención no acto de presentación do proxecto Facendo Plus, que está liderado pola propia Stellantis e nel participan os centros tecnolóxicos CTAG, Aimen, EnergyLab e Gradiant; a Universidade de Vigo, e as pemes Unimate, SFC Solutions, Probotec e Merasys, contando co apoio da Xunta de Galicia.

No seu discurso, xa que non se permitiron preguntas por parte dos medios de comunicación, Alonso Mosquera apuntou ao “gran desafío” e ao “problema real” que sofre a industria do automóbil na actualidade, avogando por conseguir unha maior competitividade agora e no futuro.

El agradeceu o traballo de todos os socios de Facendo Plus, pola súa “sensibilización” con estes problemas, destacando a importancia de proxectos así para apostar por unha “innovación colaborativa”.

“O que facemos aquí en Galicia é moi importante. Sabémolo polos resultados que obtemos, pola rápida aplicación das nosas innovacións e pola proxección que teñen as nosas investigacións”, engadiu o directivo.

Así mesmo, puxo en valor a “estreita colaboración” da Xunta de Galicia, xa que grazas ao seu “respaldo” con axudas públicas, ése capaz de crear innovación aplicada ao terreo, á mellora de produtos e procesos, para ser máis eficientes e competitivos, segundo dixo.

“O modelo de innovación colaborativa funciona xa de forma moi fluída e entre todos, con visión, coñecemento, practicidad, eficacia e cun impulso decidido, materializamos avances moi destacables e observados desde o exterior“, sentenciou.

Tamén no acto, a conselleira de Economía e Industria, María Jesús Lorenzana, apelou ao traballo conxunto para que o sector galego da automoción salga fortalecido fronte aos novos retos que afronta.

A automoción ten a día hoxe moitas dificultades desde o punto de vista regulatorio, da electrificación, da competencia con economías con custos laborais e ambientais máis baixos, e necesitamos, sen dúbida, facelo moi ben, primeiro de todo, os gobernos”, subliñou.

ÚLTIMAS

Investigadas 10 persoas por un delito de falsidade documental en Pontevedra

A Garda Civil investiga a un total de 10 persoas como presuntos autores dun...

Arden cinco gabarras na zona industrial de Saxamonde en Redondela

Por fortuna, aínda que o lume estivo preto dunha nave industrial, esta non se...

Transportes prepara a licitación do tramo de AVE O Porriño-Tui e declara “prioritaria” a saída Sur de Vigo

O Ministerio de Transportes e Mobilidade Sustentable avanzou que está "a traballar na preparación...

A UVigo presenta o seu proxecto de metaverso para os seus tres campus

A Facultade de Comunicación do Campus de Pontevedra acolleu este martes a presentación do...