Stellantis Prol One alcanzou o 34,5 % da cota de mercado español de vehículos comerciais ata chegar ás 18.668 matriculacións durante o primeiro cuadrimestre de 2024, segundo confirmou a empresa nun comunicado. Só no mes de abril, o grupo europeo viu crecer as súas vendas un 65 % respecto do mesmo mes de 2023 pechándoo con 5.121 matriculacións e unha cota do 32,2 %.

A compañía que engloba as marcas comerciais Citroën, Fiat, Opel e Peugeot mantivo a capacidade de penetración no segmento dos vehículos ao alcanzar a primeira posición no ranking e obter un 36,5 % de ciota de mercado no que leva de ano. Stellantis puxo en valor o seu modelo de produción de proximidade nas súas factorias en España. Modelos como a Citroën Berlingo, os Peugeot Partner e Rifter, o Opel Combo e o Fiat Doblò, coas súas correspondentes versións eléctricas, prodúcense no Centro de Vigo.