InicioEconomíaA Feira Navalia estreará na súa edición deste ano unha Zona de...

A Feira Navalia estreará na súa edición deste ano unha Zona de Innovación impulsada pola Zona Franca

A Feira Internacional da Industria Naval, Navalia, que celebrará a súa novena edición entre o 21 e o 23 de maio no Instituto Feiral de Vigo, chega este ano con máis de 500 expositores.

PUBLICADO O

- Advertisement -

Feira Internacional da Industria Naval, Navalia, que celebrará a súa novena edición entre o 21 e o 23 de maio no Instituto Feiral de Vigo, estreará este ano unha Zona de Innovación, grazas ao apoio do Consorcio da Zona Franca. Esta iniciativa, presentada este venres polo delegado de Zona Franca, David Regades, e polo presidente e o director de Navalia, José García Costas e Javier Arnau, entre outros, ten como finalidade apoiar e incentivar o ecosistema emprendedor neste sector.

A nova Zona de Innovación, situada no pavillón H, estará xestionada pola Asociación de Enxeñeiros Navais e Oceánicos de España (AINE) e dará cabida a 16 empresas de nova creación, proxectos innovadores e startups, que mostrarán as súas propostas na feira. O delegado de Zona Franca, David Regades, puxo en valor o compromiso deste organismo coas feiras implicadas no desenvolvemento económico e industrial de Vigo, e subliñou que Navalia “é xa un referente en España e en todo o sur de Europa”. “Vigo non se pode entender sen o sector naval”, afirmou, antes de eloxiar a capacidade e competitividade dos estaleiros e a súa industria auxiliar.

Así mesmo, incidiu en que “o naval é un sector de alta especialización tecnolóxica e especialmente intensivo en I+D+i” e sinalou que a automatización de procesos, o desenvolvemento de sistemas de propulsión máis sustentables nos buques con hidróxeno renovable ou sistemas mixtos, ou a eólica mariña son “liñas de acción estratéxicas que poden constituír un importante revulsivo” para esta industria.

O presidente de Navalia, José García Costas, agradeceu o apoio de Zona Franca e referiuse a a necesidade de atraer e formar talento para o sector naval. “Cada ano os empresarios tentamos captar todo o talento dos nosos mozos e formalos para ser máis competitivos. Temos un déficit enorme de persoas formadas para este sector”, constatou.

Así mesmo, o director da feira, Javier Arnau, destacou que Navalia e o propio sector “sempre quixeron ter un espazo de innovación” para que os novos proxectos e ideas poidan presentarse e conseguir o apoio institucional e financiamento. A feira Navalia abrirá as súas portas o 21 de maio no Instituto Feiral de Vigo (Ifevi) e, a día de hoxe, confirmaron a súa presenza máis de 500 expositores. Así, haberá máis de mil marcas representadas, de 75 países, co obxectivo de chegar aos 20.000 visitantes profesionais.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...