A factoría viguesa do grupo automobilístico Stellantis volverá parar parte da súa produción a semana que vén pola persistencia dos problemas de aprovisionamento que vén sufrindo a planta nos últimos tempos. En concreto, será o Sistema 1, onde se ensamblan os Peugeot 2008, o que parará o luns, martes e mércores da semana que vén, 25, 26 e 27 de marzo, xusto o tres días antes dos festivos de Semana Santa.

Segundo informou a dirección da empresa aos sindicatos, a previsión é que o arranque da liña se leve a cabo o luns 1 de abril, na quenda das 06.00 horas. Non entanto, aínda está no aire cando volverán operar os talleres de Ferraxe e Pintura, que se concretará “canto antes”. Desta maneira, unha vez máis Stellantis Vigo vese obrigada a parar por problemas loxísticos. Esta semana, a compañía tamén detivo parte da súa produción por falta de pezas, do mesmo xeito que ocorreu en reiteradas ocasións durante os últimos anos, cando se viu afectada pola crise dos microchips.