O Auditorio Mar de Vigo acollerá os días 12 e 13 de xuño o encontro internacional Galicia Biodays 2024, organizado polo Clúster Tecnolóxico Empresarial das Ciencias da Vida (Bioga), un foro de referencia da industria biotecnológica no espazo atlántico europeo.
Para o presidente do Clúster, José Manuel López Vilariño, este foro será o “escenario perfecto” para que o sector biotecnolóxico estableza novos contactos e sinerxías, xere negocio, entre en contacto con investidores e clientes e desenvolva novos proxectos.
Na cita de xuño abordaranse cuestións como o desenvolvemento de novos medicamentos, a innovación en alimentación e cosmética, o emprendimento e o financiamento de proxectos ou a internacionalización. No foro participarán delegacións de países como Estados Unidos, Xapón, Reino Unido ou Bélxica, e entre os patrocinadores figuran compañías como Zendal, Inventium, Promega Biotech Ibérica, Servitalent, AMSlab, CaixaBank-DayOne, Paralab Bio e FI-Group.
López Vilariño explicou que a elección de Vigo non é casual, xa que a cidade ten “un marcado carácter emprendedor e industrial”, cunha área de influencia onde se asintan algunhas das empresas do sector con maior facturación e “onde a hibridación con outros sectores estratéxicos sucede de forma natural”.
