InicioEconomíaVitrasa volve denunciar outros dous ataques a buses, que circulaban sen pasaxeiros

Vitrasa volve denunciar outros dous ataques a buses, que circulaban sen pasaxeiros

PUBLICADO O

- Advertisement -

A empresa concesionaria do servizo de bus urbano de Vigo, Vitrasa, denunciou este mércores dous novos ataques a buses, sen que se rexistraron danos persoais, xa que os autocares circulaban a esa hora sen pasaxeiros. Segundo trasladou a empresa nun comunicado, a última hora deste martes, dous buses que finalizaran o servizo e estábanse retirando cara ás instalacións da compañía, foron atacados.

Sobre as 23.21 horas, un vehículo que circulaba preto das cocheiras da empresa na estrada de Camposancos foi alcanzado por unha bóla e, debido ao impacto, rompeu unha xanela lateral do bus. Así mesmo, Vitrasa informou de que, ás 23.32 horas, o bus que facía a liña 17 e que estaba xa de retirada pola zona de Pereiró, tamén sufriu o impacto dalgún obxecto, que provocou a rotura de dúas xanelas.

Estes dous incidentes súmanse aos ataques sufridos, tamén o martes, á primeira hora da mañá, e que afectaron a 8 autobuses e ao coche particular dun traballador, que estaba estacionado preto do seu domicilio. A empresa, que está en conflito laboral co seu persoal desde hai máis de dous anos (e cunha folga indefinida desde o pasado sábado), volveu a advertir de que este tipo de ataques pon en risco aos traballadores e aos usuarios do servizo.

ÚLTIMAS

A CUT denuncia “escurantismo” na negociación dos bombeiros de Vigo

A CUT criticou este martes a proposta de solución exposta pola mesa de negociación...

A veda do choco nas rías de Vigo, Pontevedra e Arousa estenderase ata finais de outubro

A Xunta estableceu a veda para a captura do choco nas rías de Vigo,...

Detido un veciño de Gondomar como presunto autor de seis roubos con forza en gasolineiras

A Garda Civil detivo a un veciño da localidade pontevedresa de Gondomar como presunto...

O BNG e o PP critican que “case ningún día” se cumpra co número mínimo de bombeiros fixado polo goberno local

O BNG e o PP de Vigo presentaron no pleno ordinario do Concello deste luns dúas mocións nas...