InicioEconomíaA 'incubadora' High Tech Auto pon en marcha un laboratorio de prototipado...

A ‘incubadora’ High Tech Auto pon en marcha un laboratorio de prototipado pioneiro en España

PUBLICADO O

As instalacións do Consorcio de Zona Franca de Vigo en Bouzas acolleron este mércores a presentación de AutoLab, un laboratorio de prototipado pioneiro en España, vinculado á ‘incubadora’ de empresas High Tech Auto, e que se pon a disposición dos emprendedores e do tecido empresarial do sector da automoción e mobilidade.

Deste xeito, High Tech Auto amplía a súa carteira de servizos e recursos cun laboratorio deseñado para dar continuidade ao labor de fomento da creatividade, a innovación, a investigación e a aprendizaxe, a través da fabricación dixital e a participación colaborativa na creación de proxectos disruptivos para o sector.

Así, Zona Franca pon a disposición de startups e emprendedores un laboratorio para que fagan probas de concepto, MVP (minimun viable products) e prototipos, antes da súa saída ao mercado. AutoLab conta con seis áreas de traballo especializado: Prototipado rápido, Electrónica, 5G con Edge Computing, CNC, Robótica e Dixitalización con Hardware e Software.

O alcalde de Vigo e presidente do pleno de Zona de Franca, Abel Caballero, destacou no acto de inauguración do laboratorio que a cidade é “capaz de competir coas principais factorías do mundo” e facelo “con éxito”. “Estamos en primeira liña das novas dinámicas da automoción. Aquí faise futuro”, proclamou.

High Tech Auto é a primeira incubadora de Galicia especializada no sector da automoción e a mobilidade. Dirixida por Heiko Unzalu, é un proxecto cofinanciado nun 80 % por fondos europeos a través da Fundación Incyde, e impulsado por Zona Franca e a Xunta de Galicia.

ÚLTIMAS

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...