A factoría viguesa da compañía automobilística Stellantis volverá suspender parte da súa produción na mañá deste xoves debido á falta de aprovisionamentos de certas pezas necesarias para os seus vehículos.

En concreto, tal como informou a empresa aos seus empregados, o Sistema 2, que ensambla as furgonetas das diferentes marcas do grupo, permanecerá sen actividade durante a quenda de mañá.

“Por causa de forza maior, a consecuencia da falta de aprovisionamentos, suspéndese a actividade do Sistema 2 na quenda de mañá do xoves 19 de outubro”, explica a firma.

Este parón súmase ás reiteradas ocasións nas que Stellantis suspendeu a súa actividade total ou parcialmente ao longo dos últimos meses debido á falta de compoñentes.