InicioEconomíaComuneiros ofrecen manter o prezo de aluguer dos terreos a Copo outros...

Comuneiros ofrecen manter o prezo de aluguer dos terreos a Copo outros 30 anos tras o aviso do grupo de que podería irse a Portugal

"Nós facemos un esforzo enorme ao manter o prezo do seu actual contrato, que está moi por baixo do valor do mercado e posiblemente sexa menos da metade das cifras que se están publicando estes días nos medios de comunicación", asegura César Lago, presidente da Comunidade de Montes de Tameiga. "Pero facémola porque queremos que Copo continúe en Mos e os seus traballadores e traballadoras teñan tranquilidade", apostilou.

PUBLICADO O

- Advertisement -

Comunidade de Montes de Tameiga ofreceu este venres ao Grupo Copo continuar durante outros 30 anos nos 37.000 metros cadrados que ocupa no polígono Monte Faquiña mantendo “o mesmo prezo” do canon polo aluguer dos terreos que a multinacional acordou hai case 50 anos co Concello de Mos: o 6 % do valor da parcela.

O pronunciamento prodúcese despois de transcender que Copo estudaba a posibilidade de trasladarse de Mos a Portugal ante a postura da comunidade de montes en relación ao prezo de aluguer dos terreos nos que está a fábrica. O presidente galego, Alfonso Rueda, enviou unha mensaxe na pasada xornada apelando a “ser responsables” e co aviso de que os dereitos de propiedade non avalan “cambiar as regras de xogo” facendo “inasumible” a actividade.

Segundo informaron nun comunicado os comuneiros, responsables da Comunidade de Montes de Tameiga, e Copo celebraron esta mañá unha reunión, solicitada pola empresa despois de que os tribunais rexeitasen a pretensión da firma de prorrogar o seu contrato actual (que vence no ano 2025) ou, na súa falta, “que os xulgados limitasen a actualización do canon económico a un 10 % durante o mesmo período“. Na entrevista, a Comunidade de Montes de Tameiga puxo encima da mesa esta nova oferta para que Copo permaneza en Mos.

Nós facemos un esforzo enorme ao manter o prezo do seu actual contrato, que está moi por baixo do valor do mercado e posiblemente sexa menos da metade das cifras que se están publicando estes días nos medios de comunicación“, asegura César Lago, presidente da entidade veciñal. “Pero facémola porque queremos que Copo continúe en Mos e os seus traballadores e traballadoras teñan tranquilidade”, apostilou.

“MAN TENDIDA”

Así, a entidade comunal ofreceu a Copo rubricar un novo contrato a longo prazo, ata 30 anos a contar desde 2025. “Nós non somos uns xestores dun espazo que só buscan rendibilidade. Nós vivimos aquí, somos de Tameiga e queremos darlle estabilidade ao territorio, ás empresas e aos empregos da zona, e por iso propuxémoslles un contrato a longo prazo de trinta anos”, agregou Lago.

A Comunidade de Montes de Tameiga manifestou que “sempre mantivo a man tendida” á empresa para chegar a un acordo satisfactorio para ambas as partes que asegure a súa continuidade no parque empresarial de Monte Faquiña. “E a man continúa tendida. Estamos dispostos a reunirnos as veces que fagan falta e valorar todas as alternativas posibles”, remarcou. A entidade veciñal lembra que o Grupo Copo dispón no polígono industrial de Monte Faquiña dunha superficie de case 37.000 metros cadrados e, segundo os datos que figuran na súa propia páxina web, logrou no ano 2021 un volume de negocio superior aos 160 millóns de euros.

ÚLTIMAS

Vigo sen Bombeiros manifestarase este sábado para volver reclamar máis efectivos tras a morte de Sergio S.D.: “Xa se pagou un prezo moi caro”

A plataforma Vigo sen Bombeiros convocou unha manifestación para este sábado, ás 19.00 horas na Praza...

A Xunta critica ao Concello de Vigo por non poñer buses lanzadeira a Lavacolla

O conselleiro de Presidencia, Xustiza e Deportes, Diego Calvo, destacou este mércores a "resposta...

Entradas para o Galicia-Panamá se doas sangue

A Axencia de Doazón de Órganos e Sangue (ADOS) e a Real Federación Galega de Fútbol volverán desenvolver...

Adxudicado pola vía de emerxencia o servizo de transporte sanitario urxente da área a Emerxencias Sanitarias-Saluser

A Xunta, a través da Fundación Pública Urxencias Sanitarias de Galicia-061, adxudicou o servizo de transporte sanitario...