InicioEconomíaDecenas de traballadores de Vitrasa protestan por un convenio "digno" e piden...

Decenas de traballadores de Vitrasa protestan por un convenio “digno” e piden a dimisión de Abel Caballero

A CIG subliñou que o único que piden os empregados son mellores condicións, empezando por unha actualización dos salarios, que están conxelados desde finais de 2020 (cando caducou o convenio), a pesar da inflación dos últimos anos; así como a instalación de baños nas cabeceiras para que os condutores teñan un lugar onde facer as súas necesidades nos seus tempos de descanso ou un aumento precisamente destes tempos, que en moitas ocasións son "ilegais" porque non alcanzan nin os 15 minutos mínimos establecidos.

PUBLICADO O

Decenas de traballadores de Vitrasa, a concesionaria municipal do bus urbano de Vigo, volveron a saír á rúa na tarde deste venres para reclamar un convenio “digno”, polo que insistiron en pedir ao goberno local e en concreto ao alcalde, Abel Caballero, que se implique no conflito, chegando a pedir a dimisión do rexedor.

A berros de ‘Menos luces, máis autobuses’, ‘Vitrasa solución, alcalde dimisión’ ou ‘Abel escoita, Vitrasa está en loita’, os empregados da compañía partiron minutos despois das 19.00 horas do cruzamento dos Choróns, percorrendo as rúas da cidade ata chegar á Praza de Compostela. A manifestación ía encabezada por unha pancarta que rezaba ‘Vitrasa solución’, asinada polos sindicatos CIG, UGT, USO e Comisións Obreiras (CC.OO.), convocantes da protesta.

O presidente do comité de empresa, Imanol Arnoso (CIG), lamentou a posición do Concello, que “o único que dixo é que non se mete en negociacións entre unha empresa privada e os seus traballadores” a pesar de que, tal como lembrou o sindicalista, “trátase dunha concesionaria municipal”. Arnoso subliñou que o único que piden os empregados son mellores condicións, empezando por unha actualización dos salarios, que están conxelados desde finais de 2020 (cando caducou o convenio), a pesar da inflación dos últimos anos.

Tamén se referiu a outras melloras, como a instalación de baños nas cabeceiras para que os condutores teñan un lugar onde facer as súas necesidades nos seus tempos de descanso ou un aumento precisamente destes tempos, que en moitas ocasións son “ilegais” porque non alcanzan nin os 15 minutos mínimos establecidos, “xa que os tempos das rutas non están ben medidos”.

Por todo iso, insistiu na importancia de que tanto a empresa como o Concello pretendan asinar un novo convenio que permita solucionar este problema. Esta concentración chega despois de varias xornadas de paros parciais no bus urbano de Vigo, que se suman ao resto de paros e días de folga levados a cabo nos últimos meses debido á situación que viven os traballadores.

ÚLTIMAS

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

Detido por exhibicionismo un home que se facía tocamentos e se masturbaba na praia viguesa de Samil

Axentes da Policía Local de Vigo detiveron a un home de 42 anos de idade, A.D.,...

Deteñen en Vigo a un mozo de 18 anos por unha suposta agresión sexual e intervéñenlle unha pistola simulada

Axentes da Policía Local de Vigo detiveron este domingo a un mozo de 18 anos...

PSOE e BNG de Vigo censuran a ausencia de conselleiros vigueses no novo goberno autonómico

As agrupacións locais de PSOE e BNG en Vigo criticaron este luns a ausencia...