A Xunta e o Concello de Baiona abordarán unha planificación integral de posibles actuacións para executar no estuario da Foz para pór en valor esta zona, localizada no río Miñor e que forma parte da Zona de especial conservación (ZEC) da Ramallosa. Así o acordaron este mércores a vicepresidenta segunda e conselleira de Medio Ambiente, Territorio e Vivenda, Ángeles Vázquez, e o alcalde, Jesús Vázquez Almuíña.
En materia urbanística Vázquez comprometeuse a retomar o proxecto de humanización da Avenida de Sabarís, unha actuación de acondicionamento iniciada hai anos e na execución xa colaboraron ambas as administracións. Neste sentido e tras lembrar que das tres fases nas que se dividiu a intervención, dúas xa foron executadas, Vázquez e o alcalde analizaron os traballos pendentes e que se corresponden coa fase intermedia.
