O salón do vehículo usado e de ocasión MotorOcasión Vigo abrirá as súas portas a partir deste xoves, día 16 de marzo, no Instituto Feiral da cidade olívica (Ifevi), onde se reunirán un mil coches de segunda man “con dispoñibilidade inmediata”.

Será a partir das 16,00 horas cando arrinque a vixésimo terceira edición do evento, que tradicionalmente se celebra tras o Salón do Automóbil de Vigo, levado a cabo nos últimos días.

O salón reunirá ata o domingo 19 o stock dos concesionarios oficiais da comarca de Vigo, que porán a disposición do público todos os seus vehículos de quilómetro cero, executivos, demostración e ocasión, polo que a exposición reunirá preto de mil automóbiles, “xa que no momento no que se venda unha unidade, o concesionario rapidamente cambiaraa por outro dispoñible”.