InicioEconomíaCC.OO. urxe unha reunión coa Xunta ante a "grave situación" da empresa...

CC.OO. urxe unha reunión coa Xunta ante a “grave situación” da empresa do metal Ganomagoga

Actualmente arrastra problemas de carga de traballo e falta de liquidez

PUBLICADO O

O sindicato CC.OO. remitiu unha carta ao vicepresidente primeiro e conselleiro de Economía, Industria e Innovación, Francisco Conde, para solicitarlle unha reunión urxente ante a “grave situación” que atravesa a empresa do sector metal Ganomagoga, con talleres en Ponteareas e Mos.

Así, a central apuntou que a empresa foi referente nesta industria (en actividades como o naval, o eólico ou a biomasa) durante moitos anos pero actualmente arrastra problemas de carga de traballo e falta de liquidez, que se traducen en atrasos no cobro das nóminas do persoal.

“Pero o peor da situación é a falta total de información por parte da dirección, que xera unha maior incerteza sobre o futuro da mesma, tanto nas persoas traballadoras como en empresas provedoras e clientes”, apuntaron desde CC.OO.

Por iso, urxiron unha reunión con Conde para coñecer “máis en concreto” a situación da mercantil e analizar posibles medidas que garantan a continuidade da unidade produtiva e os postos de traballo.

O grupo Ganomagoga, ademais dos talleres de Mos e Ponteareas, canto con outras dúas filiais: Aplimega (conservación e mantemento de elementos metálicos) e Cedval (antiga calderería de Wärtsilä Ibérica en Vigo).

ÚLTIMAS

Rescatado o corpo sen vida dun home despois dun accidente co seu kaiak en Fornelos de Montes

Os Bombeiros do Porriño rescataron o corpo sen vida dun home tras sufrir un...

Máis de mil persoas de loito en Moaña para reclamar o regreso do PAC ao concello

Máis dun milleiro de persoas volveron a saír á rúa vestidas de loito no...

O PP vigués acusa ao Goberno local de non tomar nota por repetirse “os atascos monumentais” do pasado Nadal

O concelleiro do PP de Vigo Fernando G. Abeijón reprochou ao Goberno local que...

Arde un alboio en Gondomar sen que houbesen danos persoais

Un incendio calcinou por completo un alboio do lugar de Paraboa, na parroquia de...