InicioCulturaVigo lembra e celebra os 50 anos da Casa de Rosalía

Vigo lembra e celebra os 50 anos da Casa de Rosalía

Os actos terán lugar o mércores, 6 de xullo, coa inauguración da mostra “A Casa de Galicia” na Farola de Urzáiz; unha conferencia de Anxo Angueira e un concerto de Su Garrido na sede da Deputación.

PUBLICADO O

- Advertisement -

Este mércores inaugúrase ás 19 horas en Vigo a exposición ‘A Casa de Galicia. 50 anos da Casa de Rosalía’ na que se repasa a historia deste museo e se lembra o fito que supuxo en pleno franquismo conseguir mercar, restaurar e musealizar esta Casa grazas á colaboración de milleiros de persoas. No acto estarán presentes o presidente da Fundación Rosalía, Anxo Angueira; a deputada María Ortega, e a presidenta da Deputación de Pontvedra, Carmela Silva.

Ademais, co apoio da Deputación de Pontevedra, esta acción complementarase cunha conferencia do presidente da Fundación Rosalía de Castro, Anxo Angueira, sobre “A Casa de Rosalía e Vigo”, e a actuación da cantora viguesa Su Garrido, que tamén interpretará temas rosalianos. 

A mostra, que se pode visitar na Farola de Urzáiz, está comisariada por Pepe Barro, tamén autor da museoloxía da Casa-Museo. Fai un repaso pola historia desta Casa-Museo que se abriu ao público o 15 de xullo de 1971, en pleno franquismo e grazas á implicación de milleiros de persoas e entidades de todo o país e da emigración. O Patronato Rosalía, creado en 1947, converteuse en refuxio do galeguismo, con actos como a Misa de Rosalía en Bonaval, que eran auténticos encontros de afirmación galeguista. 

Daquela participaron centos de persoas anónimas de Galicia a partir da proposta de José Manuel Rey de Viana, organizáronse colectas en moitas vilas e en case todos os centros galegos na emigración, uníronse máis de 70 concellos, varios bancos, equipos de fútbol e innumerables asociacións de todo o país.

No caso concreto de Vigo destacou a implicación do Celta de Vigo, que doou unha peseta de cada entrada dun partido contra o Real Madrid en Balaídos en 1971; ademais de asociacións e particulares, como Xosé Luís Méndez Ferrín, o libreiro Antón Patiño, Xosé Luís Franco Grande, Xosé María Álvarez Blázquez, Zulueta de Haz, Daniel Pino, Carlos Casares, os irmáns Massó ou Bernardino Graña, entre moitos outros. 

Esta exposición, que xa estivo nunha ducia de localidades, logo continuará a súa itinerancia por vilas de Lugo. 

ÚLTIMAS

Rueda, preparado para negociar con Caballero

O desbloqueo da urbanización da ETEA, a reforma das pistas de Balaídos, ou a...

A concelleira de Urbanismo afea a “actitude” da Xunta a catro días da reunión de Rueda e Caballero

O goberno municipal de Vigo afeou este venres "o fondo e as formas" das declaracións da...

O PP de Vigo esixe a Caballero que garanta a seguridade en San Xoán ante a previsión de falta de bombeiros

O grupo municipal do PP no Concello de Vigo esixiu este venres ao alcalde, Abel Caballero,...

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...