A mocidade lusófona organiza un encontro sobre lingua e cultura en Vigo

O evento 'Conexões' terá lugar o próximo 17 de xuño na Casa da Lusofonía.

Encontro da Juventude Unida dos Países de Língua Portuguesa / remitida

Vigo acollerá o próximo 17 de xuño o evento ‘Conexões’, un encontro que procura promover o diálogo, o intercambio cultural e accións estratéxicas entre as nacións da lusofonía.

O evento está organizado pola ‘Juventude Unida dos Países de Língua Portuguesa’, que fai parada na Casa da Lusofonía de Vigo o próximo día 17 de xuño ás 14 horas. Esta plataforma foi fundada no ano 2020 de parte de mocidade de Brasil e Portugal e xa reúne na actualidade persoas de Angola, Guiné-Bissau, Moçambique, Cabo Verde, Timor Leste e Galicia, co obxectivo de tecer redes e debater sobre temas relevantes para a mocidade lusófona.

A JUPLP chama así a participar deste novo encontro aberto a todas as persoas interesadas en mergullarse na realidade lusófona. “Sempre de forma independente e próxima á xuventude”, explican.

DEIXAR UN COMENTARIO

Please enter your comment!
Please enter your name here