SonDeSeu comeza este xoves, 12 de maio, en Vigo (Teatro Afundación, 20,30 horas) a súa xira de 20 aniversario cun concerto acústico.
Así, inicia os seus recitais na cidade na que naceu esta orquestra folk. Promete que fará “vibrar” o público e repasará os seus temas máis coñecidos.
Os 60 músicos do grupo actuarán nun formato acústico sen amplificación. O Concello de Vigo colabora neste evento.
Rodrigo Romaní, Begoña Riobó, Anxo Pintos, Xisco Feijoó, Xaquín Xesteira, Alfonso Franco e Xosé Liz son algunhas das figuras que forman parte deste proxecto educativo e musical, hoxe en día vinculado á Escola Municipal de Vigo de Música Folk e Tradicional.
