InicioCulturaInvestigado un vigués de 79 anos por falsificar un cadro dun pintor...

Investigado un vigués de 79 anos por falsificar un cadro dun pintor local

PUBLICADO O

A Garda Civil investiga a un veciño de Vigo, de 79 anos de idade, como presunto autor dun delito contra a propiedade intelectual, polo intercambio comercial dun cadro atribuído falsamente a un coñecido pintor da comarca.

A investigación iniciouse cando este artista presentou denuncia na Garda Civil tras comprobar que, nun coñecido portal web de venda de segunda man, ofrecíase por 1.600 euros un cadro supostamente seu. O pintor denunciou que a obra non era súa e que se tentou imitar a súa firma.

As pescudas permitiron recuperar o cadro nun almacén de Mos, vinculado cun negocio de compravenda de obxectos usados situado en Nigrán. Así, descubriuse que a persoa que inserira ese anuncio en internet fora o propietario dese local.

O dono do negocio alegou que tiña o cadro porque o recibiu dunha terceira persoa, como medio de pago a cambio doutros obxectos. Tratábase dun veciño de Vigo de 79 anos de idade, e que foi notificado da súa condición de investigado por un suposto delito contra a propiedade intelectual.

Por outra banda, a Garda Civil tamén denunciou ao dono da tenda de compravenda de obxectos por varias irregularidades administrativas derivadas do reiterado incumprimento da normativa que regula este tipo de establecementos. As dilixencias practicadas, así como o cadro intervido, foron postas a disposición do xulgado de garda en Vigo.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...