Os concertos que de Carlos Núñez que estaban previstos para os días 15 e 16 de agosto en Monteferro, en Nigrán, e que foron cancelados polo mal tempo, foron reprogramados para o 29 e 30 de agosto, informou o Concello este xoves.

Con estes eventos, Nigrán quere pór “o colofón final” á programación especial de verán. Serán no miradoiro de Monteferro o sábado 29 de agosto ás 20,00 horas e o domingo 30 ás 11,00 horas.

O Concello e a empresa organizadora acordaron estas novas datas e mantense a validez das entradas (as do día 15 serán para o 29 e as de 16, para o 30). No entanto, quen o desexen poden cancelalas e obter un reembolso do diñeiro a través de Ataquilla, onde mañá se porán á venda os boletos que poidan quedar dispoñibles a un prezo de 20 euros.

Os concertos teñen un aforamento reducido polas circunstancias sanitarias e o propio espírito da actuación, dado que Carlos Núñez busca “unha especial sinerxía entre o público e a natureza”, ao facelos coincidir coa posta e a saída do sol.