InicioCulturaO miradoiro de Monteferro acollerá un concerto de Carlos Núñez o 15...

O miradoiro de Monteferro acollerá un concerto de Carlos Núñez o 15 de agosto

Haberá que seguir as medidas de seguridade contra a COVID-19.

PUBLICADO O

O Concello de Nigrán programou para o próximo 15 de agosto un concerto de Carlos Núñez no miradoiro de Monteferro.

Dentro da xira do músico, Lugares máxicos, o evento terá unha capacidade moi reducida debido ás circunstancias sanitarias pola COVID-19 e ao “propio espírito destes concertos”, nos que Núñez busca “unha especial sinerxía entre o público e a natureza”.

Para favorecer ese obxectivo, o concerto coincidirá coa hora do solpor, ao redor das 20,30 horas. As entradas custan 20 euros e estarán á venda a través de ataquilla.com.

O alcalde de Nigrán, Juan González, destacou o orgullo do municipio por contar coa presenza de Carlos Núñez. O músico, pola súa banda, indicou que Monteferro é “un deses paraísos” aos que ás veces vai tocar porque “ten unha das postas de sol máis impresionantes do mundo”.

O Concello explicou que só se reservarán cadeiras para persoas con problemas de mobilidade, co fin de “respectar ao máximo a singularidade” do espazo natural e buscar “a mínima intervención”. A proposta é que os asistentes senten no chan.

Ademais, haberá que seguir as medidas de seguridade contra a COVID-19, polo que se recomenda tamén ir con antelación ao lugar e evitar aglomeracións.

ÚLTIMAS

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

Detido por exhibicionismo un home que se facía tocamentos e se masturbaba na praia viguesa de Samil

Axentes da Policía Local de Vigo detiveron a un home de 42 anos de idade, A.D.,...

Deteñen en Vigo a un mozo de 18 anos por unha suposta agresión sexual e intervéñenlle unha pistola simulada

Axentes da Policía Local de Vigo detiveron este domingo a un mozo de 18 anos...

Decaltado incendio na fábrica de casas de madeira 5Jotas en Candeán

Solicitouse asistencia sanitaria para unha persoa debido a unha crise de ansiedade, mentres que...