InicioCulturaO labor de Navaz y Sanz, un investigador mariño que traballou en...

O labor de Navaz y Sanz, un investigador mariño que traballou en Vigo, recóllese agora nun libro

José María Navaz y Sanz chegou a dirixir o Centro Oceanográfico de Vigo.

PUBLICADO O

O Instituto Español de Oceanografía (IEO) acaba de publicar o libro ‘José María Navaz y Sanz. La biología marina y la alegría de vivir’, cuxo autor é Alberto González-Garcés, investigador mariño do Centro Oceanográfico de Vigo.

José María Navaz y Sanz (Pamplona, 1897- San Sebastián, 1975), foi un prestixioso investigador mariño, primeiro no Instituto Español de Oceanografía, onde dirixiu o Centro Oceanográfico de Vigo, e despois no Laboratorio e Acuario da Sociedade de Oceanografía de Gipuzkoa, dos que tamén foi director.

Ademais, foi mestre e profesor de Escolas Normais e na súa mocidade a súa
inquietude intelectual levouno a participar como actor en ‘A Barraca’, con Federico
García Lorca. As súas facultades deportivas tamén lle permitiron ser un bo xogador de fútbol, e contribuíu a fundar o Club Atlético Osasuna e ser árbitro de futbol de primeira
división.

O Centro Oceanográfico de Vigo, en recoñecemento do seu importante labor investigador,
puxo o seu nome a un dos seus barcos de investigación.

O Instituto Español de Oceanografía (IEO), é un organismo público de investigación
(OPI), dependente do Ministerio de Ciencia, Innovación e Universidades, dedicado á investigación en ciencias do mar, especialmente no relacionado co coñecemento científico dos océanos, a sustentabilidade dos recursos pesqueiros e o medio ambiente mariño.

ÚLTIMAS

Abel Caballero celebrará un pleno extraordinario contra o “veto por ideoloxía” a varias relatoras nun programa da Deputación

O alcalde de Vigo, Abel Caballero, anunciou este venres que a próxima semana convocará un...

A Xunta Electoral arquiva unha denuncia do PP por declaracións de Hereu na súa visita a Redondela e Vigo

A Xunta Electoral de Galicia decretou o arquivo dunha denuncia formulada polo PPdeG en...

O Porto de Vigo pecha xaneiro como líder nacional en movemento de vehículos, con 55.801 unidades

O Porto de Vigo pechou xaneiro deste ano arrebatando o liderado en movemento de vehículos á...

O cadáver da muller achada nunha maleta presenta unha puñalada e aínda non puido ser identificada

A autopsia realizada ao cadáver da muller achada dentro dunha maleta nunha leira abandonada...